کؤپک ,مندن ,گلدی ,یازیقیم گلدی

اؤزومه یازیقیم گلدی

:: اؤزومه یازیقیم گلدی
کؤپک ,مندن ,گلدی ,یازیقیم گلدی

نفس وورا وورا داغ باش یوخاری گئدیردیم.

اؤز عالمیمده سئیر ائدیردیم.

بیردن بیرهنیرتی ائشیتدیم، دؤنوب باخدیم. دالیمجا بیر کؤپک  گلیردی.

قارا بیر کؤپک. گؤزل. دوزلو. تب تمیز.

باخیشلاریندا محببت دالغالانیردی.

چانتامدان بیر تیکه چؤرک چیخاردیب قاباغینا آتدیم.

قویروغونو بولاییب باشلادی چؤرگی یئمه یه.

هارا گئتدیم دالیمجا گلدی.

اؤز اؤزومه دئدیم بورا باخ سن آللاه!

بو کؤپک بیر تیکه چؤرگین قدرینی بیر بئله بیلیر. نه دوز بیلن بیر حیواندی بو.

ائله کاش آداملاردا بیر بئله دوز بیلن اولایدیلار.

بیر نئچه ساعات داغ چیخدیم.

دره اندیم.

آمما کؤپک مندن ال چکمیردی.

داغین اتگینده ماشینیمین یانینا یئتیرنده ائله بیل کی آنلادی آیریلیق زامانیدی.

ساغ سولوما کئچدی.

باشماقلاریمی اییله دی.

قاباغیمی کسدی کی مندن آیریلماسین.

منی بیردن بیره بیر قهر باسدی.

آی داد و بیداد.

آی داد و بیداد.

آی آداملار اؤیره نین.

هئچ اولمایا بیر کؤپک قدر محببتیز اولسون. آی مخلوقاتین اشرفلری!

بو حالدا بیر بایاتی جوشدی اوره گیمده؛

مندن اؤترو اسن یوخ

دؤزن یوخ تلسن یوخ

یولا دوشوب گئدنده

قاباغیمی کسن یوخ!

 اؤزومه یازیقیم گلدی ...

منبع اصلی مطلب : اندیشه
برچسب ها : کؤپک ,مندن ,گلدی ,یازیقیم گلدی
اشتراک گذاری: این صفحه را به اشتراک بگذارید

پولوم : اؤزومه یازیقیم گلدی


ائله ,باغلی ,بیزلردیلر ,قالمیشام

ساتیریک یازینین آردی!

:: ساتیریک یازینین آردی!
ائله ,باغلی ,بیزلردیلر ,قالمیشامسلاملار

آی قارداشلار قاباقچی یازی دا بیر بایاتی گلذی نیطقیما یازدیم ائله بیل بازاری برک توتوبدی تامام تویلاردا اوخوجولار اونو اوخویورلار!!!

ائله دؤرد بئش اؤلکه دنده زنگ آچدیلار کی کیشی سنده بو باشارات وار بس ناواختدان هاردایدین؟!

ائله گل بیزه طرف سنه ده یاخشی اولار بیزلره ده!!!

داها بیلمه دیم بیزلر هانسی بیزلردیلر!

چووالدوزا بنزر بیزلردیلر یا او بیری بیزلردیلر.

یاواش یاواش گئدمک فیکرینه دوشدوم کی بیر زامان باخدیم گؤردوم ای داد بیداد ائو آدامی منیم ایشیمی آنلاییب باشپورتیمی گؤتوروب گیزله دیبدی!!!

ایکی الیم اولدو بیر باشیم!

قورخوداندا بیر سؤز دئیه بیلمه دیم!!!

ایندی قالمیشام نه ائله ییم.

بیر دفه ایسته دیم فرار مغزها ائله یم اودا دوشدو آی ایشیغینا!

گئجه گوندوز فیکره قالمیشام کی اشی به من باشیما نه داش سالیم؟!

بیر طرفدنده ایسته ینلریم هئی منه دئییلر یئنی ماهنی یاز.

قالمیشام آرادا.

تانری هئچ کیمی منیم گونومه سالماسین.

نئچه گئجه قاباق ایلان ووران یاتدی من یاتانمادیم بیردن بیره بیر بئله بایاتی گلدی نیطقیما؛

دیل باغلی دوداق باغلی

گؤز باغلی قولاق باغلی 

ایستیرم قویام قاچام

یول باغلی یولاق باغلی...

هله ایندیلیک بونو اوخویون گؤرک باشیمیزا نه گلیر؟!

منبع اصلی مطلب : اندیشه
برچسب ها : ائله ,باغلی ,بیزلردیلر ,قالمیشام
اشتراک گذاری: این صفحه را به اشتراک بگذارید

پولوم : ساتیریک یازینین آردی!


بللی

بیر ساتیریک یازی (کئفلی ایسکندر، دوکتور جئری، ائلچی بئی ساغلیقلارینا)

:: بیر ساتیریک یازی (کئفلی ایسکندر، دوکتور جئری، ائلچی بئی ساغلیقلارینا)
بللییولداشلار هامیسی گیلئی ائله ییرلر کی داها تنبللشمیسن!

وئبلاگا بیر زاد یازیب قویماییرسان.

ماحمیدین زامانیندا بوندان چالیشقانیدین!!!

دئییرم: جانیم چالیشدیق چالیشدیق ماحمید گئتدی حسن گلدی.

خالقیندان اؤترو سؤیود کیمی اسن گلدی!

برجام اولدو فرجام اولدو.

شله پیرتلادی!

گونده بیر نوجومو فیش اوزه چیخدی!

امیر بازارینی یاندیردیلار کی بیر عیدده یه بیر ایپک دستمال یئتیشسین!

آخی من نه یازیم داها؟!

بوتون ایشلر دوزه لیب.

بئکارلیق بیتیب.

باهالیق ایتیب.

شیش یاتیب. (تورم ماهار اولوب)

قورد قویونولا دولانیر.

هئچ کیمین اوره گینده سو ترپشمیر.

دوکتور جئری مطببینی باغلاییب ساخت و پاخت (کیریخدیم بساز بفروش) ایشینیه گیریب.

کئفلی ایسکندر ایلده دؤرد دفعه مککه یه گئدیر.

اؤرت باسدیر ماحالینین کدخوداسی ائلچی بئی کانادادا کئفه کؤتک چکیر.

داها کم کسیر یوخدو کی.

دئدیلر: ایندی کی کئف دیزدندی اوندا بس بیر غزلدن زاددان یاز چؤله گئدنده اوخویاق قانیمیز دورولسون!!!

بیردن بیره نیطقیما بیر بئله بایاتی گلدی؛

 

نه آستار بللی نه اوز

نه ایری بللی نه دوز 

کیم کیمه دی باس گئدسین

نه اللی بللی نه یوز.

 

گئدین هله بونو اوخویون گؤروم دالیسی نه گلیر...

 

منبع اصلی مطلب : اندیشه
برچسب ها : بللی
اشتراک گذاری: این صفحه را به اشتراک بگذارید

پولوم : بیر ساتیریک یازی (کئفلی ایسکندر، دوکتور جئری، ائلچی بئی ساغلیقلارینا)


بولاق , ***** ,دوشدوم ,یئرین ,گؤزده ,گؤزده یئرین

بیر نئچه یئنی دئییلمیش بایاتی

:: بیر نئچه یئنی دئییلمیش بایاتی
بولاق , ***** ,دوشدوم ,یئرین ,گؤزده ,گؤزده یئرینبوتون ائلیمیزی - دیلیمیزی سئون یولداشلارا ایتحاف.

عزیزیم آرا بیرگون

گؤر منی آرابیرگون

نیسگیل باغریمی یارار

پوزولسا آرا بیرگون.

     *****

عزیزیم گؤزده یئرین

اورکده گؤزده یئرین

گؤز آلتی بیرده باخسان

سالارام گؤزده یئرین.

     *****

سرین بولاق گور بولاق

گئدمه دایان دور بولاق

سنده کیملر یووونوب؟

اولوبسان بولور بولاق.

     *****

آغ بولاق قارا بولاق

گئدیرسن هارا بولاق؟

یولون سال بیزیم ائله

سلام وئر یارا بولاق.

     *****

گونو گونه جالادیق 

غم اوسته غم قالادیق

دونیانین چاناغیندان

 یالنیز زهر یالادیق.

     *****

داغ آشدیم دوزه دوشدوم

اللی دن یوزه دوشدوم

بیر جوت شاماما گؤردوم

درمه دیم اوزه دوشدوم.

 

منبع اصلی مطلب : اندیشه
برچسب ها : بولاق , ***** ,دوشدوم ,یئرین ,گؤزده ,گؤزده یئرین
اشتراک گذاری: این صفحه را به اشتراک بگذارید

پولوم : بیر نئچه یئنی دئییلمیش بایاتی


 ***** ,گتیرسین

بیر نئچه بایاتی

:: بیر نئچه بایاتی
 ***** ,گتیرسینساقی گتیر چاناغین 

قوی دیده مه ایاغین

ال ساخلاما اماندیر

سؤندور غمین چیراغین.

 

     *****

ایچین ایچین آغلادیم

کؤنلومه کؤز باغلادیم

سئودالار اوجاغیندا

اوره گیمی داغلادیم.

 

     *****

گوزگویم سیندیریرلار

کیتابام یاندیریرلار

آتالار اوجاغییام

سو سپیب سؤندورورلر.

     *****

عزیزیم یاز گتیرسین

گولوشون یاز گتیرسین

یئل گلنده بویانا

بیر مکتوب یاز گتیرسین.

 

     *****

سحرلر خوروز بانلار 

کیم اونون دیلین آنلار؟

هارایلار عؤمور کئچدی

دورون غافیل اینسانلار.

منبع اصلی مطلب : اندیشه
برچسب ها :  ***** ,گتیرسین
اشتراک گذاری: این صفحه را به اشتراک بگذارید

پولوم : بیر نئچه بایاتی


خسته ,چیخاردیر ,ائله ,قاسیم ,خسته قاسیم ,محمد عبادی ,خسته قاسیمین

خسته قاسیمدان بیر ساتیریک شعر

:: خسته قاسیمدان بیر ساتیریک شعر
خسته ,چیخاردیر ,ائله ,قاسیم ,خسته قاسیم ,محمد عبادی ,خسته قاسیمینخسته قاسیم 1081 شمسی ایلینده تیکمه داش کندینده آنادان اولوب 76 ایل یاشایاندان سونرا دونیاسینی دگیشیبدیر.

خسته قاسیمین عاشیقلار ایچینده یوکسک مقامی وار. اؤزوندن سونراکی عاشیقلار درین تاثیر قویوب... (آرتیق معلوماتی محمد عبادی قاراخانلو یازان خسته قاسیم کیتابیندان آلماق اولار. بو کیتابی نشر اختر 1384 چاپ ائدیبدیر)

خسته قاسیمین ساتیریک روحیه سینی تانیماق اوچون اوندان بیر شعری سیزلر ایله پایلاشماق ایسته دیم.

 

واردیم باسمینج حامامینا

دللک گؤردوم زول چیخاردیر

ال آتدی قولاقلاریما

ائله بیلدیم کول چیخاردیر.

 

آیاقلارین قویور قوشا

اولگوجونو چکیر داشا

ضربی ائله گلیر باشا

تیکمه داشا یول چیخاردیر.

 

بیر فیطه سی واردی بئزدن

دوروب گلیر سحر تئزدن

یاری حاققین آلیب بیزدن

یئنه آجی دیل چیخاردیر.

 

اولگوجونو چاپیشدیریر

سویو تاسدان قاپیشدیریر

کسیر پامبیق یاپیشدیریر

دریسینی بول چیخاردیر.

 

بو اوستا نئجه اوستادی؟

همیشه گؤزو تاسدادی

خسته قاسیم جان اوسته دی

ائله بیلیر پول چیخاردیر.

                       

(قایناق:خسته قاسیم، محمد عبادی قاراخانلو، نشر اختر، تبریز، چاپ سوّم، 1389، ص148)  

منبع اصلی مطلب : اندیشه
برچسب ها : خسته ,چیخاردیر ,ائله ,قاسیم ,خسته قاسیم ,محمد عبادی ,خسته قاسیمین
اشتراک گذاری: این صفحه را به اشتراک بگذارید

پولوم : خسته قاسیمدان بیر ساتیریک شعر


آنچه ,سومبات ,فروشی ,بدین ,خیانت ,اؤلکه ,آنچه ستاندی ,توانستی بفروشی

آدم فروشی

:: آدم فروشی
آنچه ,سومبات ,فروشی ,بدین ,خیانت ,اؤلکه ,آنچه ستاندی ,توانستی بفروشی

ساتقینلیق؛
بختیار وهابزاده
سهل  سومبات!
ساتا بیلدین
نه یی نه یه، کیمی کیمه؟
تک اولسایدین،
هئچ آدینی توتماز ایدیم،
میکروب کیمی
سپه لندین تاریخیمه.
بابکلرین سینه سیله یول آچدیغی
ذیروه لره چاتماق ایچون.
دره کچدیک،
تپه آشدیق.
بو یوللاردا
نئچه  نئچه حمزه لرله،
سومباتلارلا قارشیلاشدیق.
ساتقینلارین حیله سیندن
نئچه کره
تاریخ اندی ذیروه لردن  دره له ره
سهل  سومبات!
بابکی دشمن الینه وئرن.
یوللاریمیزا دییرله دین
خیانتین ایلک داشینی
اوزونده کی گولوش ایله
سن آخیتدین
بیر اؤلکه نین گؤزیاشینی.
بو گولوشله
خیانتین زهرینه
بال قاتمیسان
بو گولوشله
آنامیزی آغلاتمیسان...
گاه قوزئیدن، گاه گونئیدن
باش قالدیران یئل کیمی سن
نامردلیگین یول یولداشی،
کیشیلیگین غنیمیسن.
یوز قیزیلا، بیر((ساغ اولا))
ساتا بیلدین کیشیلری.
اؤزون سؤیله
آلدیقلارین ساتدیغینا
دگردیمی؟
آلدیغینا
آرزولارین گؤیردیمی؟
قیزیل گئتدی،((ساغ اول)) ایتدی،
اؤزون اؤلدون،
خیانتین
تاریخیمین کوره گینده
دامغا کیمی دورور آنجاق
گوجونه باخ،
عصریمیزه چاتدی سسی.
ساتیلانین بویوکلوگو،
ساتقینلیغین درجه سی!
دوشدو گلن عصیرله ره
خیانتین بوز کولگه سی
نئچه- نئچه سهل- سومبات
باش قالدیردی او کولگه دن! 

سسی گلدی او اؤلکه دن، بو اؤلکه دن!
سنی چوخ دا قینامیرام
ساتقینلییغی وقتین اؤزو
هونر سایدی
مگر ساتقین اولاردیمی
اگر آلان اولماسایدی؟

 

 

«آدم فروشی»

 

 

سهل - سومبات*

 

 

توانستی بفروشی

 

 

چه چیزی را به چه؟

 

 

چه کس ی را به که؟

 

 

گر تنها بودی، هیچگاه نامت را بر زبان نمی آوردم

 

 

بسان میکروب بر تاریخم پخش شدی و سرایت کردی

 

 

برای رسیدن به قله ای که راهش با سینه ی بابک هایم گشوده گشته

 

 

از دره گذشتیم

 

 

و از تپه سرازیر شدیم

 

 

و اندرین راه ها، با چندین  چند حمزه و سومبات

 

 

رو در رو گشتیم

 

 

با مکر و حیله ی آدم فروش ها

 

 

چندین بار

 

 

تاریخ، از ستیغ کوه

 

 

به

 

 

حضیض دره فرود آمد.

سهل - سومبات

 

 

سنگ بنای خیانت را

 

 

بر راه های مان غلطاندی

 

 

با خنده ی خویش

 

 

اشک چشم دیاری را

 

 

سرازیر کردی

 

 

بدین زهرخند

 

 

بر زهر خیانت

 

 

عسل آمیختی

 

 

بدین لبخند

 

 

مادرانمان را گریاندی

 

 

همچو بادی برخاسته ای

 

 

گاه از شمال، گاه از جنوب

 

 

و یار و همراه

 

 

نامرد و نامردی شده ای

 

 

و

 

 

دشمن مردی گشته ای

 

 

به صد سکه ی زر، به یک دست مریزاد

 

 

توانستی بفروشی

 

 

رادمردان را؟

 

 

خود بگو

 

 

آنچه دادی، بر آنچه ستاندی

 

 

آنچه بفروختی، بر آنچه خریدی

 

 

می ارزید، آیا؟

 

 

آیا با آنچه ستاندی

 

 

درخت مرادت سبز شد؟

 

 

به آرزوهایت رسیدی؟

 

 

زر برفت

 

 

 دست مریزاد گم شد

 

 

خود نیز بمردی

 

 

اما خیانتت بر پشت تاریخم

 

 

هنوز همچو داغ ننگ باقیست

 

 

قدرتش را بنگر

 

 

صدایش به عهد ما نیز رسید

 

 

بزرگی و عظمت آن که فروخته شد

 

 

درجه و حدّ آدم فروشی

 

 

سایه ی سرد خیانت

 

 

بر سده های بعد

 

 

نیز افکنده گشت

 

 

چندین و چند سهل-سومبات

 

 

از آن سایه سربرافراشت

 

 

صدایش نیز رسید از آن دیار

 

 

بدین دیار

 

 

تو را زیاد ملامت نمی کنم

 

 

در زمانه هایی آدم فروشی خود هنر شمرده شد

 

 

آدم فروش، می بود مگر

 

 

خریداری نبود اگر؟

 

 

سهل - سومبات: خائنی که بابک خرمدین را به افشین ، فرمانده لشگر ارمینیه ( ارمنستان) و در نتیجه معتصم خلیفه ی عباسی فروخت

منبع اصلی مطلب : اندیشه
برچسب ها : آنچه ,سومبات ,فروشی ,بدین ,خیانت ,اؤلکه ,آنچه ستاندی ,توانستی بفروشی
اشتراک گذاری: این صفحه را به اشتراک بگذارید

پولوم : آدم فروشی


 ***** ,ایستیرم

بیر نئچه بایاتی

:: بیر نئچه بایاتی
 ***** ,ایستیرمساقی ایاق ایستیرم

گؤزدن ایراق ایستیرم

ظولمات ایچینده قالدیم

مئی دن چیراق ایستیرم.

     *****

آل گئیینیب لاله لر 

الده وار پییاله لر

داغلارین گؤز یاشیدی

گور آخان شلاله لر.

     *****

اؤتور هفته لر آیلار

گلیر هایلار هارایلار

هاردا خانلار سولطانلار؟

هانی یوکسک سارایلار؟!

     *****

آغلایان چوخ گولن آز 

گؤز یاشینی سیلن آز 

کؤنول تانری ائویدی 

بو گرچگی بیلن آز.

    *****

سسی باتمیش سازام من

سونا چاتمیش یازام من

نیسگیللره ائشیلیب

توخونان قوتازام من.

 

منبع اصلی مطلب : اندیشه
برچسب ها :  ***** ,ایستیرم
اشتراک گذاری: این صفحه را به اشتراک بگذارید

پولوم : بیر نئچه بایاتی